Akademik mobillik doirasida Toshkent davlat tibbiyot universitetining 1-sonli gistologiya va tibbiy biologiya kafedrasi 2025-yil 24–29-noyabr kunlari davomida Qozog‘iston Respublikasi, Olmaota shahridagi S.D. Asfendiyarov nomidagi Qozog‘iston milliy tibbiyot universitetining yetakchi o‘qituvchilarini qabul qildi.
👩🏫 Taklif etilgan ma’ruzachilar:
— Omarova Roza Saxiyevna — professor assistenti
— Yergazina Maral Junusbekovna — dotsent, ilmiy unvon sohibasi
🎓 Tashrif davomida pediatriya va davolash fakulteti talabalari uchun boy akademik dastur amalga oshirildi. Dastur doirasida ilmiy-amaliy ma’ruzalar seriyasi, oliy ta’lim muassasalariaro konferensiya hamda mualliflik master-klass tashkil etildi.
Mazkur tadbirlar talabalarning kasbiy kompetensiyalarini chuqurlashtirish, ilg‘or klinik va pedagogik tajriba almashish hamda tibbiy ta’lim sohasida xalqaro akademik hamkorlikni mustahkamlashga qaratildi.
🌍 Tadbirlar talabalar va professor-o‘qituvchilar tomonidan katta qiziqish bilan kutib olindi hamda universitetning ta’limiy va ilmiy salohiyatini rivojlantirishga muhim hissa qo‘shdi.
