Халқаро тажриба ва инновациялар сари қадам: Корея Республикасига хизмат сафари якунлари
2024 йил 2–10 сентябрь кунлари Исломова Шохиста Абдихалиловна раҳбарлигидаги талабалар делегациясининг Корея Республикасига хизмат сафари муваффақиятли ташкил этилди. Мазкур сафарнинг асосий мақсади — халқаро тажриба алмашиш, тиббиёт ва таълим соҳасидаги илғор ютуқлар билан яқиндан танишиш ҳамда ўзаро ҳамкорлик алоқаларини янада мустаҳкамлашдан иборат бўлди.
Тиббиёт ва таълим соҳасида илғор тажриба
Сафар давомида делегация The Catholic University of Korea ҳамда унинг клиник базаси — Seoul St. Mary’s Hospitalфаолияти билан яқиндан танишди. Ташриф доирасида «Omnibus Park» мажмуаси бўйлаб экскурсия, расмий учрашувлар, шифохона бўйлаб танишув саёҳати ҳамда робот жарроҳлиги амалиётини кузатиш тадбирлари ташкил этилди.
Талабалар замонавий тиббий технологиялар, рақамли бошқарув тизимлари ва инновацион ёндашувлар билан бевосита танишиш имкониятига эга бўлдилар. Бу эса уларнинг амалий кўникмалари ва клиник тафаккурини янада бойитишга хизмат қилди.
Шунингдек, делегация National Library of Koreaга ташриф буюриб, илмий-ахборот ресурслари, электрон маълумотлар базаси ҳамда илмий тадқиқотларни қўллаб-қувватлаш тизими билан танишди.
Рақамли технологиялар ва тиббиёт интеграцияси
Технологик йўналишдаги учрашувлар доирасида Amazon Web Services (AWS) офисида мулоқот ташкил этилди. Унда булутли технологиялар, рақамли инфратузилма ҳамда тиббиёт соҳасида ахборот технологияларидан фойдаланиш истиқболлари юзасидан фикр алмашилди.
Бундан ташқари, талабалар Asan Medical Center фаолияти билан ҳам танишдилар. Мазкур тиббиёт муассасасида замонавий диагностика ва даволаш усуллари, клиник бошқарув тизими ҳамда халқаро стандартлар асосида йўлга қўйилган иш жараёнлари ҳақида атрофлича маълумот берилди.
Маданий-маърифий дастур
Маданий-маърифий дастур доирасида делегация N Seoul Tower, Gyeongbokgung, Lotte World Tower ҳамда Ttukseom Hangang Park каби диққатга сазовор масканларга ташриф буюрди. Ушбу ташрифлар талабаларнинг маданий дунёқарашини кенгайтиришга хизмат қилди.
Хусусий клиникалар ва амалий тажриба
Тиббий амалиёт билан яқиндан танишиш мақсадида FIRST Plastic Surgery, POINT Plastic Surgery ҳамда ROEN Gynecology Clinic (Gangnam, Seolleung филиали)га ташрифлар амалга оширилди. Ушбу муассасаларда пластик жарроҳлик ва гинекология соҳасидаги замонавий амалиётлар, хизмат кўрсатиш маданияти ва инновацион ёндашувлар ҳақида маълумотлар олинди.
Шунингдек, делегация маданий ва амалий тадбирларда иштирок этди. Жумладан, Everland кўнгилочар боғига ташриф буюрилди ҳамда Papa John’s компаниясида пицца тайёрлаш бўйича маҳорат дарси ташкил этилди.
Сафар якунлари
2024 йил 10 сентябрь куни делегация Инчхон шаҳри орқали Тошкент шаҳрига қайтиб келди.
Ушбу хизмат сафари талабаларнинг халқаро тажрибасини бойитиш, илмий ва амалий билимларини мустаҳкамлаш ҳамда хорижий ҳамкорлар билан барқарор алоқалар ўрнатишга хизмат қилди.
Мазкур ташриф Toshkent Davlat Tibbiyot Universitetiнинг халқаро майдондаги нуфузини янада ошириш, талабаларнинг касбий салоҳиятини ривожлантириш ва келгусидаги ҳамкорлик алоқаларини кенгайтириш йўлида муҳим қадам бўлди.
