2025-yil 18-noyabr kuni Gistologiya va tibbiy biologiya kafedrasida O‘zbekiston Respublikasi Davlat bayrog‘i qabul qilingan kun munosabati bilan ma’naviy-ma’rifiy tadbir bo‘lib o‘tdi.
Tadbir davomida Davlat bayrog‘imizning yaratilish tarixi, undagi ramzlarning chuqur ma’nosi, milliy g‘urur va vatanparvarlik ruhini yuksaltirishdagi o‘rni haqida ma’ruzalar qilindi. Kafedra professor-o‘qituvchilari va talabalar ishtirokida bayrog‘imizga bo‘lgan hurmat va ehtirom, yurtga sadoqat tuyg‘ulari keng targ‘ib etildi.
Mazkur tadbir yoshlar ongida milliy o‘zlikni anglash, Vatanga muhabbat va fuqarolik mas’uliyatini mustahkamlashga xizmat qildi.